Barcelona នៅតែចាប់ចិត្តចង់បានខ្សែបម្រើរបស់ក្រុម Girona

យោងតាមសារព័ត៌មាន Sport បានឱ្យដឹងថា ក្លឹបអ្នកមានបុណ្យ Barcelona នៅតែបន្តតាមដានការអភិវឌ្ឍន៍ និងចាប់អារម្មណ៍ក្នុងការចុះហត្ថលេខាលើខ្សែបម្រើ Aleix Garcia របស់ក្រុមគូប្រជែង Girona នៅក្នុងអំឡុងពេលទីផ្សារដោះដូរកីឡាកររដូវក្តៅ។

យ៉ាងណាមិញ បច្ចុប្បន្ន Garcia មានវ័យ ២៦ឆ្នាំ នឹងមានលក្ខខណ្ឌជាមួយ Girona ក្នុងការបន្តកុងត្រាថ្មីដល់ឆ្នាំ២០២៧។ រំលឹកដែរថា Barcelona បានចាប់អារម្មណ៍លើ Garcia តាំងពីខែមករា តែចរចាមិនបានសម្រេចព្រោះមានហេតុផលជាច្រើន ខណៈសាមីខ្លួនចង់បញ្ចប់ការផ្ទេរទៅកាន់ Barcelona។

ជាក់ស្តែង ក្លឹបកាតាឡាន់កំពុងប្រឈមនឹងវិបត្តិសេដ្ឋកិច្ច ខណៈដែលក្លឹបនឹងព្យាយាមសម្របសម្រួលរឿងតម្លៃខ្លួន នឹងប្រាក់ឈ្នួលដល់ខ្សែបម្រើសញ្ជាតិអេស៉្បាញរូបនេះ៕